منـتـديـات الجـــــوه
اخواني الاعضاء نفيدكم بأنه تم نقل المنتدى رسميا على الرابط التالي
http://jazanlovers.com/vb/index.php
شبكة ومنتديات عشاق جازان
حياكم الله



 
الرئيسيةالتسجيلدخول
اخواني الاعضاء نفيدكم بأنه تم نقل المنتدى رسميا على الرابط التالي http://jazanlovers.com/vb/index.php شبكة ومنتديات عشاق جازان حياكم الله

شاطر | 
 

 شاب فقير خطببنت عمه المليونير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق فيفاء
عضــو جديد


العمر : 42
تاريخ التسجيل : 22/02/2010

مُساهمةموضوع: شاب فقير خطببنت عمه المليونير   23/2/2010, 22:00


روعـــــــــــــه




1
- سبحان من يرزق بتوع الملاييـن


الرازق اللي ما يخيب الرجـا بـه-

[center]2- لي عم عنده معـرضٍ للصواليـن
أموت واعرف بس من وين جابـه -
3- وإذا سألته قـال بعـت الدكاكيـن
ما يدري إني ما هضمت الإجابـه -
4- الشاهد إني رحت له قبـل يوميـن
في قصره العامـر ودقيـت بابـه -
5- قال ارحب ارحب عدّ ورد البساتين
يا مرحبا باللـي لفـا يـا هلابـه -
6- قلت البقا عـدّ النفـل والرياحيـن
يا شيخ شمل اهل الكرم والذرابـه-
7- قال اسلم الله يحفظك لي من العين
وآمر أوامر حضرتـك مستجابـه -
8- قلت الصراحة طالبٍ قرب غاليـن
ودي تزوجنـي كريمتـك يـابـه-
9- ثنّى وقال اهليـن والله وسهليـن
والكون ترخص لجل عينك رقابـه -
10- لكن ترا عندي شـروط وقوانيـن
قلت اشرط اشرط يا حبيب الغلابـه -
11- قال أولاً مهر العروسـة ثمانيـن
غير الرسوم وغير حق العصابـه -
12- والثانية عمك يبي منـك سبعيـن
رسم الأبـوّة والنسـب والقرابـه-
13- وام العروسة حقها منـك ستيـن
عشانها ست الحسـن والمهابـه -
14- واخوانها كلن يبي منـك خمسيـن
عداً ونقـداً تنـدرج فـي حسابـه-
15- وخواتها الخمس اعطهن من ثلاثين
عشان تتوثـق عـروق النسابـه -
16- وتجيب طقم عيار واحد وعشريـن
وخاتم من الماس المصفى ترابـه-
17- واكياس متروسة كعوب وفساتيـن
ألوانهـا واشكالهـا مـا تشابـه -
18- وموتر بسواقـه وفيـلا بدوريـن
أثاثهـا مـن بطرتـه ينحكـابـه -
19- واحجز لنا قاعة بقصر السلاطيـن
واحجز بهـا رقاصتيـن وربابـه -
20- وامنع دخول اهل اللحى والبزارين
واعزم أميـر المنطقـة بالنيابـه -
21- هذي الشروط اللي على بالي الحين
وذكرني اللي ما حسبنـا حسابـه -
22- قلت اذكر الله يا عـدو المساكيـن
واستغفـره لا يبتلـيـك بعـذابـه -
23- الظاهر إنك منت عارف أنا ميـن
أنا لو ارقا فـوق متـن السحابـه -
24- ما جبت حتى نص درزن مواعيـن
واضحك بكيفك واعتبرهـا دعابـه-
25- شروطكم هذي شـروط المجانيـن
شروطكم شغـل ابتـزاز ونهابـه -
26- شروطكم تقصم ظهـور البعاريـن
شروطكـم همّـن وغـم وكآبـه -
27- شروطكم والله سيوف وسكاكيـن
تذبح بنات المجتمع مـع شبابـه -
28- وين الرضا والعطف واليسر واللين
اللي ذكرهـا الله بمحكـم كتابـه-
29- وين الصفات اللي أمرنا بها الديـن
وين اختفى نهج النبي والصحابـه -
30- يا عم جعل اللي خلقنا من الطيـن
يرد عقلك مـن خطـاه لصوابـه -
31- ويجعل نصيبي عند غيرك قل آمين
ويحسن عزا الصابر ويجزل ثوابه -
32- قال انت لو فكرت تفكير صاحيـن
ما شفت في مجمل شروطي غرابه -
33- حنا بعصـر العولمـة والمزاييـن
ماهوب عصر الفلسفة والخطابـه -
34- الناس تسعى للرتـب والنياشيـن
وانت اهتمامك بالشعـر والكتابـه-
35- والشعر ما ينفعك لو هو دواويـن
ما دام جيبك مثـل بيـت الخرابـه -
36- يا بوك لا تسمع كلام المصاخيـن
واسأل مجرب عاش في وسط غابه -
37- قلت الله اكبر يا محـرر فلسطيـن
من يسمعك يحسبك ذيـب الذيابـه-
38- تراك شايب راس مالـك رياليـن
والبنت ما تسوى جنـاح الذبابـه -
39- قال انقلع مالت على وجهك الشين
لا عاد اشوفـك عندنـا يالزلابـه -
40- قلت ابشر ابشر لكن الباب من وين
واقفيت من عنده على صوت بابـه


[/center]
الرجوع الى أعلى الصفحة اذهب الى الأسفل
زعيم الجوه
عضو نشـيط
عضو نشـيط
avatar

العمر : 34
تاريخ التسجيل : 24/01/2010

مُساهمةموضوع: رد: شاب فقير خطببنت عمه المليونير   14/10/2010, 16:27

يعطيك العافيه وشكرا
الرجوع الى أعلى الصفحة اذهب الى الأسفل
 
شاب فقير خطببنت عمه المليونير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منـتـديـات الجـــــوه :: ۩۞۩ الأقســام الأدبيـــة ۩۞۩ :: ۩۩ الجــــوه للشــعر والقــوافي ۩۩-
انتقل الى: